Ekintza hauek lan proiektuetan banatuta daude eta berauen barnean tailerrak garatzen dira. Lan proiektu bakoitzak bere helburu eta lan proiektu espezifikoak ditu. Lurraskan garatu daitezken proiektuak ondokoak lirateke:

 
Urdaibai, ingurune naturala.

 

rdaibaiko Biosfera Erreserba aberastasun ekologiko handiko ingurunea da. Kantauri itsasotik datozen urak alde batetik eta bestetik Oka ibaiak dakartzanak batzen direnean ekosistema ezberdinak sortzen dira. Honako batzuk milaka hegaztik aprobetxatzen dute beraien migrazioko hegaldietan atseden toki moduan. Lurraska Baserri Eskolatik Urdaibaiko ekosistema ezberdinak aztertzen ditugu: Padura, hareatzak, lezkadiak edota urarekin lotura handia duen marearteko guneak. Euskal Herriko ohitura eta hustiapenekin lotuta dauden landazabala eta artadi kantauriarra ere aztertzen dira. Lan proiektu honen oinarria biotopo ezberdinetatik ibilbide gidatuak egitea litzateke, eta garai batzuetan hegazti ezberdinen behaketarekin lotu. Urdaibai ezagutzeaz gain, ekologia arazoak aztertzeko aukera izango dute bertoko tailerrekin: birziklaia tailerra, basoaren tailerra eta uraren tailerra

 

 

Urdaibai, ingurune historikoa.

 

ernika. Hiribilduak esanahi berezia dauka. Proiektu honek bere historia eta garapenaz ohartzea dauka helburutzat. Ibilbide ezberdinen bitartez Gernika bera ezagutzeko aukera izango genuke, baina baita ere bere inguran dauden hainbat herri garrantzitsu. Honela ditugu Elantxobe edo Bermeo bezalako herri arrantzaleak beraien arrantza portuarekin, edota Mundaka eta bere hondartzak, Arteagako dorrea...

 

 

Baserria

 

aserria proiektuan euskal nekazal inguruko dinamika aztertzen da, bertako lanak egiten ikasiz. Proiektu honetan garatzen diren ekintzekin, partehartzaileek baserriarekin zer ikusia duten lan guztien berri izango dute. Eta eskulan hauetaz gain baserriak berarekin batera dakarren ohitura, jolas, dantza eta ipuinetaz ere ohartzeko aukera izango dute.

Etxabereak.Baserriko abereen ezaugarriak ikastea da bere helburua. Lehen hurbilpen baten ondoren praktikan partaideek bertoko abereen zainketan parte hartzen dute: janaria eman garbiketak, eraisketa... azkenez zaldiz ibiltzeko aukera izaten dutelarik.

Baratza. Tailer honetan baserrietako ortuetan egiten diren lan mota ezberdinak praktikan jartzen dira: espezie ezberdinak ezagutu, eta ondoren landaketak egin (lurra prestatu, hazitegia, ereintza, landatu...). Bestalde ongarri naturalen laborazioa ere ikas daiteke.

Elikagai eraldaketako tailerrak.Tailer hauek aintzineko erara egiten dira. Baserrian egunero egiten diren lanak ezagutzeko aukera izango dute: Esnekien eraldaketak (gazta, gatzatua egitea...), ogia egin ( antzinako labean egosia)...

Ibilbideak. Bertoko basoa eta gaur egungo landaketen arteko ezberdintasunetaz jabetzen gara. Gure basoen garrantziaz, beraien dinamika naturala eta nola ez bertako biztanleen ohiturak ikasteko aukera izaten dugu.

Erlezaintza tailerra: Tailerrak erleen bizimodu lankorra ikertzen du eta usadiozko era erabiliz eztia eta argizaria nola ekoizten diren ere bai. Azken hauen eraldaketari buruz kandelak eta beste produktu batzuk egiten ikasten da.